القسم الادبي
إظهر وبان متعش جبان..؟؟
إظهر وبااان
***
لما الظروف تناديك إظهر وباااان
متعش طول عمرك خايف جبااان..!!
****
إطلع حامى عن بلادك
حقك .. وحق .. ولادك..!!
****
متسبش بلدك للديااااااابة
يقطعوها.. حتة..حتة
وعاملين فيها غلابة..!!
****
قوم قوااااااام صد الذئاب
الحق للى يحامى
مش للى غاااااااب..!!
****
أية يفيد..؟؟
حزنك وهمك
بعد ولادك مايقولوا عليك خاين
ولحقهم.. أنت مش صاين..!! ؟
****
وأية يفيد الندم..؟؟
وشكوتك بعد غرقتك
ماهو.. مركبك غرقت خلاص
وكل اللى فيها خدة الطوفان.. !!
****
قوم قوااااام خلى صوتك سيف حق
فاصل بين الديابة والإنسان.. !!
***
متقلش صوتى يعمل أية ؟؟
رملة على رملة تبقى جبل يابية..!!
****
قوم إظهر وبااااان
منتظرينك فى الإعادة كمان
******
